Bakı. Real Cəfərli – APA. İran Məsləhət Şurasının sədri, eks-prezident Əliəkbər Haşimi Rəfsəncani ABŞ-ı tənqid edib. APA-nın “Radiofərda”ya istinadən məlumatına görə, H. Rəfsəncani bildirib ki, ABŞ İrana qarşı sanksiyaların sərtləşdirməyi dayandırmalıdır: “Amerikalılar heç bir yolla sanksiyaları sərtləşdirməməli və BMT Təhlükəsizlik Şurasına İrana qarşı qətnamələr qəbul etməsi üçün təzyiq göstərməməlidir”.
İranın eks-prezidenti ölkədəki sosial-iqtisadi vəziyyətə də toxunub: “Ötən iki onillikdə xalqda həyat səviyyələrini yaxşılaşdırmaq üçün bir istək yaranmışdı. Ancaq milli valyuta dəyərdən düşdü, ticarət zəiflədi və nəticədə xalqın narahatçılığı artdı. Lakin iyunun 14-də inanılmaz bir hadisə baş verdi və xalq istədiyi şəxsi səs verərək hökumətin başına gətirdi. Mən Həsən Ruhaninin İranın hazırkı problemlərini həll edəcəyinə ümid edirəm”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
