Bakı. Könül Cəfərli – APA. “Atom Enerjisi üzrə Beynəlxalq Agentliyin (AEBA) nümayəndə heyətinin İrana səfərinin məqsədi “Parçin” hərbi obyekti ilə bağlı müzakirələrin aparılmasıdır”. APA-nın məlumatına görə, bunu İranın xarici işlər naziri Əli Əkbər Salehi deyib. O bildirib ki, Tehranda AEBA nümayəndələri ilə İran rəsmiləri “Parçin”lə agentlik arasında əməkdaşlığa dair danışıqlar aparacaqlar: “Təkrar qeyd edirəm ki, “Parçin” hərbi obyektdir və orada nüvə fəaliyyəti həyata keçirilmir. Odur ki, “Parçin” İranın AEBA qarşısında üzərinə götürdüyü öhdəliklərə daxil deyil. Lakin buna baxmayaraq, biz hərbi obyektlə əməkdaşlığa dair də müzakirələrə hazırıq. Bu dəfəki görüşdə elə bu əməkdaşlığın müəyyənləşdirilməsi məsələsi müzakirə olunacaq”.
Qeyd edək ki, AEBA nümayəndə heyəti bu gün İrana səfər edəcək.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
