Bakı. Könül Cəfərli – APA. İranın Kərəc, Yəzd və Urmiya şəhərlərində 11 nəfər edam edilib. APA-nın məlumatına görə, narkotik maddələrin qaçaqmalçılığında təqsirləndirilən 4 nəfər Kərəcin Qızılhisar həbsxanasında, 3 nəfər isə Urmiya həbsxanasında asılıb. Kərəcdə edam edilən məhbuslardan 2 nəfərin kimliyi məlum olub. Bunlar Mənsur Bəyan və Dostəli Məhəmmədidir. 4 nəfər isə Yəzd şəhərinin mərkəzi həbsxanasında edam edilib. Onlardan üçü təcavüz etməkdə, üzərindən 0.89 kiloqram heroin və 38 kq 75 qram tiryək götürülən məhbus isə narkotik maddələrin qaçaqmalçılığında təqsirləndirilib. Edam edilənlər haqqında yerli məhkəmələr ölüm hökmü çıxarıb. Qərar İranın Ali Məhkəməsi tərəfindən təsdiq ediləndən sonra icra olunub.
İranın İnsan Haqları Fəalları Agentliyinin yaydığı məlumata görə, İranda bu ay ərzində 20 nəfər edam edilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
