Bakı. Süleyman Fərzəliyev-APA. APA-nın Ərdəbil radiosuna istinadən verdiyi məlumata görə, İran İslam Respublikasının Ərdəbil şəhərində Azərbaycan vətəndaşı narkotik qaçaqmalçılığı ittihamı ilə həbs edilib. Bu barədə Ərdəbil vilayətinin narkotiklərlə mübarizə idarəsinin rəisi mayor S. Niknam bildirib.
«Polisin nəzarətində olan bir nəfər Azərbaycan vətəndaşı heroin və digər narkotik maddələrinin qaçaqmalçılığı ilə məşğul olarkən həbs edilib. Həbs edilən Azərbaycan vətəndaşı məhkəmə orqanlarına təhvil verilib», deyə Niknam bildirib.
Onun sözlərinə görə, bu keçən 3 ay ərzində narkotiklərlə bağlı maddə ittihamı ilə Ərdəbil vilayətində həbs edilən üçüncü Azərbaycan vətəndaşıdır.
S.Niknam həbs edilən Azərbaycan vətəndaşının şəxsiyyəti barədə açıqlama verməyib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
