Bakı. Könül Cəfərli – APA. İranın Şüştər şəhərinin şəkər istehsal edən Karun fabrikinin 500 nəfərdən çox işçisi Tehranda Prezident Administrasiyasının önündə 6 gündür etiraz aksiyası keçirir.
APA-nın İran mətbuatına istinadən məlumatına görə, işçilər vaxtından tez təqaüdə çıxarıldıqları üçün piket keçirirlər.
İLNA-nın yazdığına görə, işçilərin etirazlarına heç bir dövlət rəsmisi tərəfindən münasibət bildirilməyib. Bir nümayişçi deyib ki, onlarla indiyədək heç bir media orqanı da maraqlanmayıb: “Keçən il şəkər qamışı tarlalarında bir neçə qarğa öləndə jurnalistlər gəlib maraqlanmışdılar. Amma biz 6 gündür ailəmizi qoyub burada aksiya keçiririk, heç kəs nə üçün yığışdığımızı gəlib soruşmur. Demək ki, qarğa qədər də əhəmiyyətimiz yoxdur”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
