Bakı. Könül Cəfərli – APA. İranın Şərqi Azərbaycan vilayətində baş verən zəlzələ nəticəsində evsiz qalan insanlar hələ də çadırlarda ağır şəraitdə yaşayırlar. APA-nın məlumatına görə, bu barədə İranın “Fars” xəbər agentliyinin Qaradağın Heris bölgəsindən hazırladığı yeni fotoreportajda əks olunub.
Şərqi Azərbaycan vilayətində yaşayan soydaşlarımızdan APA-ya daxil olan məlumata görə, tək Herisdə deyil, eyni ağır həyat şəraiti Əhər və Vərziganda da davam edir. Bölgədə qidaya, içməli suya, dərman ləvazimatlarına və tibb məntəqəsinə ciddi ehtiyac var. Bəzi sadə vətəndaşlar öz şəxsi vəsaitləri hesabına zəlzələdən zərərçəkənlərə yardım etməyə çalışırlar. Lakin bu cür fərdi yardımlar minlərlə evsiz qalmış insana yetərli deyil. Şaxtalı havadan və şəraitsizlikdən daha çox uşaqlar və yaşlılar əziyyət çəkir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
