APA-nın “RİA Novosti”yə istinadən verdiyi xəbərə görə, Bağdaddan 80 km şimal-qərbdə yerləşən Müktadiyyə şəhərində minalanmış avtomobil partladılıb. Terror aktı yas mərasimi keçirilən yerin yaxınlığında törədilib. Hadisə yerinə xilasedicilər gəldikdən sonra ikinci partlayış baş verib.
Bundan bir qədər əvvəl İraqın şimal-qərbində naməlum şəxslər təhlükəsizlik qüvvələrinin 14 nümayəndəsini qətlə yetirib.