Bakı. Könül Cəfərli – APA. İran müxalifətinin liderlərindən olan Mirhüseyn Musəvinin övladları ev dustaqlığına məhkum edilmiş valideynlərinin son vəziyyətini açıqlayıblar.
APA-nın məlumatına görə, onlar bildiriblər ki, iki aydır valideynlərindən heç bir məlumat ala bilmirlər: “Buna səbəb onlarla görüşə və telefonla danışmağa icazə verilməməsidir. Son görüşümüzdə valideynlərimizin sağlıq durumu yaxşı deyildi. Son aylarda atamız ürək-damar sistemində yaranmış problemlərə görə bir neçə dəfə təhlükəsizlik qüvvələrinin nəzarəti altında xəstəxanada qısamüddətli müalicə alıb”.
Onlar ata-analarının ev dustaqlığında saxlanılmasını qeyri-qanuni və özbaşınalıq adlandıraraq, bu addımı adam oğurluğuna bənzədiblər, valideynlərinin dərhal və qeyd-şərtsiz azadlığa buraxılmasını tələb ediblər.
Qeyd edək ki, M.Musəvi İranda 2009-cu ildə keçirilmiş prezident seçkilərinə ölkə müxalifətindən namizəd kimi qatılıb. Mahmud Əhmədinejadın qələbəsi ilə nəticələnmiş prezident seçkilərinə etiraz etdiyi üçün həyat yoldaşı Zəhra Rəjnəvərdlə birlikdə ev dustağı cəzasına məhkum edilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
