Bakı-APA. Pakistan hökuməti digər dövlətlər tərəfindən İrana təcavüz olunarsa, onu hərtərəfli dəstəkləyəcək. APA-nın məlumatına görə, Pakistan prezidenti Asif Əli Zərdari İran və Əfqanıstan prezidentləri ilə görüşdən sonra bildirib.
Zərdarinin sözlərinə görə, İslamabad Qərb ölkələrinin təzyiqinin İran-Pakistan münasibətlərinə təsir etməsinə imkan verməyəcək. Zərdari İran liderinə bu məsələdə ABŞ-a yardım etməyəcəyinə söz verib.
Öz növbəsində İran prezidenti Mahmud Əhmədinecat bəzi ölkələrin bölgənin işlərinə qarışaraq burada öz hegemonluğunu qurmaq niyyətində olduqlarını bildirib.