Bakı-APA. Suriyanın Hələb universitetində törədilən partlayış nəticəsində ölənlərin sayı 80 nəfərə çatıb. APA-nın “Frans Press”ə istinadən verdiyi xəbərə görə, Suriyanın “SANA” dövlət telekanalının yaydığı məlumatda bildirilir ki, üsyançılar universitetin binasına 2 reaktiv mərmi atıblar. Suriya televiziyasının yaydığı kadrlarda partlayış nəticəsində binanın üç aşağı mərtəbəsində divarların uçduğu əks olunub.
Müxalifətçilər, öz növbəsində qeyd edirlər ki, universitet hökumətin Hərbi-Hava qüvvələrinin zərbəsinə məruz qalıb.
Onlar iddia edir ki, döyüş təyyarələri təhsil müəssisəsinə iki bomba atıblar.
Xatırladaq ki, bundan əvvəl partlayış nəticəsində 15 nəfərin öldüyü bildirilirdi.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
