Avropa

Ana səhifə

Avropa

BMT Baş Assambleyası “Abxaziya və Cənubi Osetiyadan olan qaçqınlar və məcburi köçkünlər haqqında” qətnamə layihəsini qəbul edib

30 iyun 2011 07:42 (UTC +04:00)

Bakı – APA. BMT Baş Assambleyası Gürcüstanın təqdim etdiyi “Abxaziya və Cənubi Osetiyadan olan qaçqınlar və məcburi köçkünlər haqqında” qətnamə layihəsini qəbul edib. APA-nın “RİA Novosti”yə istinadən verdiyi məlumata görə, qətnamənin lehinə 57, əleyhinə 13 ölkə səs verib, 74 ölkə bitərəf qalıb.

Rusiya qətnaməni tam siyasi bir sənəd adlandırıb. Rusiyanın BMT-dəki daimi nümayəndəsinin birinci müavini Aleksandr Pankin bildirib ki, Gürcüstan hər il dünya ictimaiyyətinin diqqətini özünə cəlb etmək məqsədilə eyni manevri təkrarlayır: “Aydındır ki, layihənin müəllifləri onu bölgədəki müasir siyasi reallıqlara zidd şəkildə hazırlayıblar. Həm qətnamənin adı, həm də qaçqın və məcburi köçkünlərin bütün Gürcüstan ərazisindəki, o cümlədən Abxaziya və Cənubi Osetiyadakı evlərinə qayıtmaq hüququnun sənəddə təsbit edilməsi vasitəsilə bu ərazilərin Gürcüstana məxsusluğu önə çəkilir. Obyektiv reallıq isə ondan ibarətdir ki, bölgədə müstəqil dövlətlər - Abxaziya və Cənubi Osetiya mövcuddur. Həm Gürcüstan, həm də onun müttəfiqləri gec-tez bununla barışmalı olacaqlar”.

Qeyd edək ki, qətnamənin lehinə səs verən dövlətlər arasında Azərbaycan da var.