Belçika parlamentində HAMAS-ın 7 oktyabrda İsrailin cənub ərazilərinə hücumu zamanı törətdiyi vəhşilikləri əks etdirən görüntülərin nümayişinə icazə verilməyib.
APA xəbər verir ki, bu barədə İsrailin xarici işlər naziri Eli Kohen "X" hesabında bildirib.
"Belçika Parlamentinin sədri Eliane Tillieux vəhşilikləri əks etdirən videonu parlamentdə nümayiş etdirməmək qərarınızla HAMAS-ın törətdiyi hərbi cinayətlərə və insanlığa qarşı cinayətlərə göz yumursunuz.
Bu, təbliğat videosu deyil, terrorçuların özləri tərəfindən çəkilmiş kadrlardan yaradılmış və onların İsrail vətəndaşlarını ayrı-seçkilik etmədən qətlə yetirdiklərini göstərən filmdir.
HAMAS-ın cinayətlərinə göz yummaq İsrailin İŞİD-dən də pis bir terror təşkilatına qarşı özünü müdafiə etmək hüququna hörmət qoymamağa bərabərdir. HAMAS İsrail dövlətinin öz vətəndaşlarını müdafiə etdiyi və qanlı terrorizm qarşısında Qərb dünyasının önündə durduğu müharibəni qızışdırmaqda günahkardır", - İsrail XİN rəhbəri deyib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
