Kreml Rusiya Prezidenti Vladimir Putinin diplomatların ölkədən çıxarılması ilə bağlı vəziyyəti Almaniya kansleri Olaf Şoltsla müzakirə edəcəyinə ümid edir.
APA-nın TASS-a istinadən verdiyi xəbərə görə, bu barədə Rusiya Prezidentinin mətbuat katibi Dmitri Peskov deyib.
Kremlin sözçüsü Rusiya Prezidentinin Almaniya Kansleri ilə vəziyyəti müzakirə etməyi planlaşdırıb-planlaşdırmadığ barədə sualı da cavablandırıb.
“Ümid edirik ki, bu təmaslar nəticə verəcək”, - Peskov qeyd edib.
Qeyd edək ki, bir müddət öncə Rusiya Almaniyanın Moskvadakı səfirliyinin iki diplomatik əməkdaşını “persona non-qrata” elan edib. Rusiya XİN bu addımı Gürcüstan vətəndaşı Zəlimxan Xanqoşvilinin qətli ilə bağlı Berlin Ali Məhkəməsinin hökmündən sonra Almaniyanın iki rus diplomatını ölkədən çıxarmaq qərarına cavab olaraq atdığını bildirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
