Bakı. Məlahət Nəcəfova-APA. Almaniyanın futbol üzrə dünya çempionatını keçirmək hüququnu siyasi yolla əldə etdiyi məlum olub.
APA-nın məlumatına görə, bu barədə yerli “Zeit Online” agentliyi məlumat yayıb.
Məlumatda qeyd olunub ki, 2000-ci ildə 2006-cı il Futbol üzrə Dünya Çempionatına ev sahibliyi edəcək ölkənin seçilməsi prosesi aparılarkən ən güclü namizəd Cənubi Afrika Respublikası olub: “Lakin Almaniya son anda FİFA-nın Asiyada olan məmurları hesabına səsvermədə irəli düşüb”.
Mənbənin verdiyi məlumata görə, Volkswagen və Bayer A kimi şirkətlər Tailand və Cənubi Koreyadakı zavodlara investisiya yatıracaqları ilə bağlı söz veriblər.
Həmçinin bildirilir ki, Almaniyanın o zamankı federal kansleri Herhard Şreder seçkilərdən bir həftə əvvəl Səudiyyə Ərəbistanına Almaniyanın namizədliyini dəstəkləyəcəyi halda silah tədarük edəcəyini bildirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
