APA-nın “Vesti”yə istinadən verdiyi xəbərə görə, daha 9 nəfər itkin düşmüş hesab olunur. Çexiya hökuməti təbii fəlakət nəticəsində 7 nəfərin öldüyünü rəsmi təsdiq edib.
Praqada məşhur Karlov körpüsü ehtiyat baxımından bağlanıb, şəhər zooparkında saxlanılan heyvanlar xüsusi qülləyə köçürülüb. “Staropramen” pivə istehsalı zavodu və bir neçə kimyəvi müəssisəsi fəaliyyətini müvəqqəti dayandırıb.
Leysan yağışları səbəbindən Dunay və bir sıra iri çaylarda suyun səviyyəsi xeyli artıb.
Cənubi Almaniyanın federal torpaqlarına - Saksoniya, Tyuringiya, Bavariya və Baden Vürtenberqə ciddi ziyan dəyib. Reyn, Mayn və Nekkar çaylarında gəmilərin hərəkəti dayandırılıb. Fövqəladə fəlakət rejimi Avstriyanın şimal-qərb bölgələrində elan olunub. Torpaq sürüşməsi səbəbindən bu bölgələrdə qatarların hərəkəti də dondurulub.
Leysan yağışları İsveçrədə hələ də davam edir. Buradakı göllərdə suyun səviyyəsi xeyli artıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
