Bakı-APA. Böyük Britaniyanın daxili işlər naziri Tereza Mey Mühafizəkarlar Partiyasının lideri və baş nazir vəzifəsinə namizədliyini irəli sürüb.
APA-nın məlumatına görə, bu barədə “The Times” qəzeti yazıb.
Partiya sədrliyinə namizədlərin irəli sürülmə prosesi iyunun 29-da başlayıb.
Qəzetin yazdığına görə, böyük ehtimalla Tereza Meyin baş nazir postu uğrunda əsas rəqibi sabiq London meri Boris Conson olacaq.
Xatırladaq ki, Böyük Britaniyanın baş naziri Devid Kemeron yaxın aylarda istefa verəcəyini açıqlayıb. O, ölkənin Avropa İttifaqından çıxması ilə bağlı referendumun nəticələrinin elan olunmasından sonra Britaniyanın yeni liderə ehtiyacı olduğunu bildirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
