Bakı. Viktoriya Dementyeva – APA. Ermənistan prezidenti Serj Sarkisyan Fransaya işgüzar səfərə gedib.
APA-nın Ermənistan mətbuatına istinadən xəbərinə görə, səfər çərçivəsində S.Sarkisyan Paris və Strasburqda olacaq.
Ermənistan prezidenti Parisdə fransalı həmkarı Fransua Olland və Fransa Senatının sədri Jan Pyer Bellə görüşəcək. Strasburqda isə o, AŞPA-nın sessiyasında çıxış edəcək, AŞPA sədri Jan Klod Minyon, Avropa Şurasının baş katibi Tyorbyorn Yaqland və Avropa Şurasının insan haqları üzrə komissarı Nils Muyjniekslə görüşəcək.