Gürcüstanın baş naziri Giorgi Kvirikaşvili 54-cü Münhen Təhlükəsizlik Konfransı çərçivəsində türkiyəli həmkarı Binəli Yıldırımla görüşüb.
APA-nın Gürcüstan bürosunun məlumatına əsasən, görüşdə ikitərəfli ticari-iqtisadi münasibətlərin müsbət dinamikası müzakirə olunub.
Tərəflər regional enerji və nəqliyyat layihələri çərçivəsində əməkdaşlığa da toxunublar. Bu kontekstdə Bakı-Tbilisi-Qars dəmir yolunun əhəmiyyəti vurğulanıb.
Baş nazirlər həmçinin regional təhlükəsizlik məsələləri ətrafında fikir mübadiləsi aparıblar.
Görüşdə qeyd olunub ki, G. Kvirikaşvili bu ilin birinci yarısında Türkiyədə keçiriləcək Gürcüstan-Türkiyə Yüksək Səviyyəli Strateji Əməkdaşlıq Şurasının görüşündə iştirak edəcək.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
