Gürcüstan. Nizami Məmmədzadə-APA. Gürcüstanın Xaşuri rayonunun Surami qəsəbəsinə təbii qaz verilib.
APA-nın Gürcüstan bürosunun məlumatına görə, tədbirdə Gürcüstanın energetika naziri Kaxa Kaladze, “SOCAR Georgia Gas Ltd” şirkətinin rəhbəri Azər Məmmədov və digər rəsmi şəxslər iştirak edib.
Qəsəbədə 900 abonentə təbii qaz verilib. Nazir Kaxa Kaladze qəsəbə sakinləri ilə görüşüb, onların problemləri ilə maraqlanıb.
K. Kaladze jurnalistlərə açıqlamasında bildirib ki, bu ilin sentyabr ayına kimi bölgədə abonent sayı 1500-ə çatdırılacaq.
Nazir Gürcüstanın ayrı-ayrı bölgələrinin qazlaşdırılmasında və iqtisadiyyatının inkişaf etdirilməsində köməyinə görə ARDNŞ-in Gürcüstan nümayəndəliyinə təşəkkürünü bildirib, eyni zamanda Gürcüstanda yaşayan azərbaycanlıları Novruz bayramı münasibətilə təbrik edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
