Bakı. Viktoriya Dementyeva – APA. Liviya ATƏT-lə tərəfdaşlıq münasibətləri qurmaq istəyir. APA-nın xəbərinə görə, Liviya xarici işlər naziri Məhəmməd Abdul-Əziz iyunun 17-də ölkəsi adından müvafiq müraciəti ATƏT-ə təqdim edib.
ATƏT-in baş katibi Lamberto Zanyer Liviyanın qərarını alqışlayaraq bildirib ki, təşkilat yeni gələcək qurmaq istiqamətində öz təcrübəsini Liviya ilə bölüşməyə hazırdır. O deyib ki, Liviya ilə tərəfdaş olmaq barədə qərar ATƏT-in bütün üzv ölkələrinin razılığı ilə, konsensus əsasında qəbul olunmalıdır. Belə bir qərar verilərsə, Liviya ATƏT-in 12-ci tərəfdaşı olacaq. Bundan əvvəl Əlcəzair, Misir, İsrail, İordaniya, Tunis, Mərakeş, Əfqanıstan, Yaponiya, Avstraliya, Cənubi Koreya və Tailand ATƏT-lə tərəfdaş olublar.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
