Londonda hücum zamanı bıçaq yarası alan polis əməkdaşı ölüb.
APA-nın BBC-yə istinadən verdiyi xəbərə görə, bundan əvvəl hadisə nəticəsində 3 polis əməkdaşının yaralandığı bildirilirdi.
Böyük Britaniyanın paytaxtında törədilən terror aktı nəticəsində 4 nəfər ölüb, 20 nəfər yaralanıb.
***
21:34
Londonda parlament binası yaxınlığında baş verən silahlı hücum zamanı 3 polis əməkdaşı yaralanıb.
APA-nın RİA Novosti agentliyinə istinadən verdiyi xəbərə görə, naməlum şəxs Vestminster körpüsündə bir neçə nəfəri avtomobillə vurub və daha sonra parlament binasına yaxınlaşaraq polis nəfərini bıçaqlayıb. O, digər polislər tərəfindən atəş açılaraq zərərsizləşdirilib.
İlkin məlumata əsasən, hadisə nəticəsində 2 dinc sakin ölüb, azı 10 nəfər yaralanıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
