Bakı-APA. “Biz 1 il ərzində Kutaisidə parlament binasını inşa edə bildik, yeni hökumət isə bu ərazini otlağa çevirdi”. APA-nın “Georgia Online” saytına istinadən yaydığı məlumata görə, belə bir bəyanatla Kutaisi şəhərində Gürcüstan prezidenti Mixail Saakaşvili çıxış edib.
“Bu hakimiyyətin yeganə planı var – prezident seçkilərini birinci turda bitirmək, sonra isə ilk səsvermədə parlamentin Kutaisidən Tiflisə köçürülməsinə nail olmaqdır”, - deyə o vurğulayıb.
Saakaşvili həmçinin özünü Çilinin sabiq rəhbəri Pinoçetə oxşatmadığını deyib: “Mən Pinoçet deyiləm və heç vaxt diktatura yaratmazdım. Mən dişlərimlə Kutaisini parlament şəhəri kimi müdafiə edirəm. İndi siz Kutaisinin parlament şəhəri kimi qalıb-qalmamasına qərar verməlisiniz”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
