Bakı-APA. Türkiyə və Avropa İttifaqı arasında əldə edilən razılaşma Avropada miqrant böhranının aradan qaldırılmasında həlledici olacaq.
APA-nın TASS agentliyinə istinadən verdiyi məlumata görə, bunu BMT baş katibi Pan Qi Mun bəyan edib.
“Mürəkkəb sosial-iqtisadi problemlərə baxmayaraq, bir çox ölkə liderləri bu ağır məsələdə mərhəmət nümayiş etdirirlər. Bizə kollektiv məsuliyyət əsasında verilən qərarlar lazımdır. Türkiyə - Avropa İttifaqı razılaşmasında əsas məsələ onun yerinə yetirilməsidir. Təhdid və repressiyalardan qurtulmaq istəyən miqrantlar üçün leqal yollar genişləndirilməlidir. Sentyabrda Nyu-Yorkda keçiriləcək konfransda biz qlobal səviyyədə bu məsələləri müzakirə edəcəyik”, deyə Pan Qi Mun bildirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
