Rusiya Baş Kəşfiyyat İdarəsinin sabiq polkovniki Sergey Skripal və onun qızı sinir iflicedici maddə ilə zəhərlənib. Böyük Britaniya polisi hadisəni sui-qəsdə cəhd kimi qiymətləndirir.
APA-nın RT-yə istinadən verdiyi xəbərə görə, bunu London polisinin terrora qarşı şöbəsinin rəhbəri Mark Rouli bəyan edib.
Onun sözlərinə görə, zərərçəkənlərin vəziyyəti kritik olaraq qalır.
Martın 5-də Britaniya xüsusi xidmətlərinə casusluqda günahlandırılan və hazırda İngiltərədə yaşayan Rusiya Baş Kəşfiyyat İdarəsinin sabiq polkovniki Sergey Skripal Solsberi şəhərində ticarət mərkəzində naməlum maddədən zəhərlənərək xəstəxanaya yerləşdirilib.
Qeyd edək ki, 2010-cu ildə Rusiya prezidenti olan Dmitriy Medvedev tərəfindən əfv edilən Sergey Skripala Böyük Britaniyada sığınacaq verilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
