Bakı-APA. Türkiyə yanvar və fevralın birinci yarısı ərzində 24 120 miqrantın Avropa İttifaqına keçməsinin qarşısını alıb, qaçqınların daşınmasına şübhəli bilinən 93 nəfər saxlanılıb. APA-nın məlumatına görə, bu barədə Türkiyə XİN mətbuat xidmətinin rəhbəri Tanju Bilqic bildirib.
“Yalnız fevralın 15-də Türkiyə sahil mühafizə qüvvələri 985 miqrant saxlayıb. Qeyri-qanuni miqrasiyanın qarşısını almaq Türkiyə əlindən gələni edir. Təbii ki, qanunsuz miqrasiyanın səviyyəsini dərhal azaltmaq qeyri –mümkündür. 2016-cı ilin aylarında Yunanıstanın adalarına yollanan miqrantların sayında xeyli azalma müşahidə olunub, - deyə Tanju Bilqic bildirib.
Qeyd edək ki, 2015-ci ilin noyabrın 29-da keçirilmiş Aİ-Türkiyə sammitində razılaşdırılan tədbirlər planına əsasən, Türkiyə Aİ-yə miqrant axınının qarşısının alınmasına səylər göstərməlidir və Ankaraya ayrılacaq 3 mlrd avro və Türkiyənin Aİ-yə üzvlüyünə dair danışıqların aktivləşdirilməsi müqabilində qaçqınların öz ərazisində yerləşdirməlidir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
