Türkiyə XİN rəhbəri Mövlud Çavuşoğlu Kipr münaqişəsinin nizamlanması üzrə danışıqlarda Kipr prezidenti Nikos Anastasiadisin mövqeyini pisləyərək, danışıqların pozulmasına görə məsuliyyəti onun üzərinə qoyub.
APA-nın “RİA Novosti”yə istinadən verdiyi xəbərə görə, Kiprin türk icmasının rəhbəri Mustafa Akıncı ötən gün Nikos Anastasiadisin “mənim daha deyəcək sözüm yoxdur” deyərək, danışıqları tərk etdiyini bildirib.
Anastasiadis, öz növbəsində, türk icmasının nümayəndə heyətinin heç bir səbəb olmadan görüşü tərk etdiyini iddia edərək, danışıqların pozulmasına görə məsuliyyəti Akıncının üzərinə qoyub.
“Yunan icmasının lideri qapını çırparaq danışıqları tərk etdi. Kiprin yunan icmasının hərəkətləri onların adada nizamlanmaya dair danışıqlara münasibətinin göstəricisidr”, - deyə Çavuşoğlu qeyd edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
