Almaniyada saxlanılan Gürcüstanın sabiq Baş qərargah rəisi Giorgi Kalandadze Ukrayna vətəndaşıdır və Ukrayna konsulları məsələ ilə məşğul olurlar.
APA-nın Gürcüstan bürosunun xəbərinə görə bu barədə “Ukrainskaya Pravda”ya açıqlamasında Ukrayna Xarici İşlər Nazirliyinin (XİN) mətbuat katibi Oleq Nikolenko bildirib.
O, qeyd edib ki, Ukraynanın Almaniyadakı səfirliyi G.Kalandadzenin dekabrın 19-da Berlin hava limanında həbs edilməsi barədə məlumatlandırılıb və Ukrayna konsulları saxlanılmanın səbəbinin müəyyən edilməsi və müvafiq konsulluq xidmətlərinin göstərilməsi məqsədi ilə Almaniyanın hüquq-mühafizə orqanları ilə işləyirlər.
Ukrayna mediasının məlumatına görə, G.Kalandadze 2019-cu ilin 20 dekabrında Prezident Vladimir Zelenskinin fərmanı ilə Ukrayna vətəndaşlığı əldə edib.
Qeyd edək ki, Gürcüstan Baş Prokurorluğu bu gün G.Kalandadzenin Gürcüstana ekstradiyası üçün Almaniyaya müraciət edildiyini bildirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
