Kot-d'İvuarda avtobusla yük maşınının toqquşması nəticəsində ağır yol qəzası baş verib, 15 nəfər ölüb, 15 nəfər yaralanıb.
APA “Agence France-Presse (AFP)” istinadən xəbər verir ki, bu barədə ölkənin Nəqliyyat Nazirliyi məlumat yayıb.
Nazirlikdən bildirilib ki, qəza ölkənin mərkəzində yerləşən Katiola və Buake şəhərlərini birləşdirlən avtomobil yolunda baş verib.
Həmçinin o da əlavə olunub ki, ölkədə yolların və nəqliyyat vasitələrinin pis vəziyyətdə olması səbəbi ilə tez-tez ölümlə nəticələnən qəzalar baş verir. Bunun nəticəsində hər il orta hesabla 1000-1500 nəfər həyatını itirir.