Macarıstanın ABŞ-dakı səfiri Sabolş Takaç Finlandiyanın NATO-ya üzvlüyünün ratifikasiya sənədini ABŞ Dövlət Departamentinə təqdim edib.
APA-nın məlumatına görə, bu barədə cümə günü Macarıstanın Vaşinqtondakı səfirliyi məlumat yayıb.
1949-cu ilin aprelində Vaşinqtonda bağlanmış Şimali Atlantika Müqaviləsinə əsasən, ratifikasiya sənədləri daimi saxlanmaq üçün ABŞ hökumətinə verilməlidir.
Martın 27-də Macarıstan parlamenti Finlandiyanın NATO-ya qoşulması haqqında sazişi səs çoxluğu ilə təsdiqləyib.