Azərbaycanda aqrar sahədə lizinq fəaliyyəti tam olaraq liberallaşdırılıb.
"APA-Economics"in məlumatına görə, bunu AKİA-nın bu ilin birinci yarısının yekunlarına dair keçirdiyi hesabat-konfransda çıxış edən qurumun sədri Mirzə Əliyev bildirib.
Onun sözlərinə görə, əgər ötən ilin sonlarınadək kənd təsərrüfatı texnikası bazarında yalnız bir təchizatçı var idisə, hazırda təchizatçıların sayı 35-dir və istəyən hüquqi və fiziki şəxs bu bazara sərbəst daxil ola bilər.
"Bu il biçin mövsümü fermerlər üçün məhsul itkisi olmadan başa çatıb. Bunun səbəbi "Aqrolizinq" ASC-nin uğurlu dislokasiya planı ilə yanaşı, həm də fermerlərdə özəl kombaynlarının sayının artmasıdır", - deyə M. Əliyev qeyd edib.
Agentliyin rəhbəri onu da bildirib ki, bu ilin yanvar-iyun aylarında ötən ilin eyni dövrü ilə müqayisədə 3 dəfə çox kombayn satılıb: "Bu, əlverişli satış şərtlərinin yaranmasının göstəricisidir".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
