İndoneziya hakimiyyəti koronavirusa yoluxmuş insanların sayının artması ilə əlaqədar, demək olar ki, bütün əcnəbilərin ölkəyə girişinə və tranzitinə müvəqqəti qadağa qoyub.
APA-nın TASS-a istinadən verdiyi məlumata görə, bunu çərşənbə axşamı jurnalistlərə açıqlamasında İndoneziyanın Xarici İşlər naziri Retno Marsudi deyib.
Bununla belə, qərar diplomatlar və daimi iş vizaları sahiblərinə şamil edilmir.
Xarici İşlər naziri əlavə edib ki, koronavirusun yayılması təhlükəsi xaricdən gəlir, xüsusilə də Avropa və ABŞ-dan.
Qeyd edək ki, bu günə qədər İndoneziyada koronavirusa yoluxmuş insanların sayı 1 400 nəfəri keçib, 122 nəfər ölüb – bu, bölgədəki ən yüksək göstəricidir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
