İranın Sistan və Bəlucistan əyalətlərində qum fırtınası ilə əlaqədar 465 nəfər həkimə müraciət edib.
APA-nın İRNA agentliyinə istinadən verdiyi məlumata görə, Zabol şəhərində küləyin sürəti saatda 70 kilometrə çatır, şəhər aeroportunda görmə məsafəsi 600 metrə düşüb.
Xəstəxanaya müraciət edən 465 nəfərdən 127-i xəstəxanaya yerləşdirilib, qalanlarına ambulator yardım göstərilib.
Həkimə müraciət edənlər gözlərində yaranan problemlər, nəfəs almanın çətinləşməsi və ürək ağrılarından şikayətləniblər.