İranda 975 qadın məhbus azadlığa buraxılıb və ya digər qanuni güzəştlərdən bəhrələnib.
APA-nın Tehran bürosu xəbər verir ki, bunu İranın Məhkəmə Hakimiyyətinin rəhbəri Qulamhüseyn Möhsini Ejeyi deyib.
Onun sözlərinə görə, Məhəmməd peyğəmbərin qızı həzrət Fatimənin mövludu münasibətilə həbsdə olan 6 min qadına da məzuniyyət verilib.
O həmçinin qeyd edib ki, ölkənin 15 əyalətində 502 məhbus azadlığa buraxılıb. 4 mindən çox məhbusun işində isə müxtəlif güzəştlər tətbiq olunub.
İranın Məhkəmə Hakimiyyətinin rəhbəri onu da vurğulayıb ki, son 1 ayda 4 mindən çox məhbus azadlığa buraxılıb.