Vyanada İran və "4+1" ölkələri arasındakı müzakirələr 3 gün fasilədən sonra yenidən davam etdiriləcək.
APA-nın Tehran bürosunun məlumatına görə, bu barədə İRNA agentliyi məlumat yayıb.
"Vyanadakı müzakirələr cümə axşamına kimi davam edəcək. Yeni il tətillərinə görə, dekabrın 31-dən 2022-ci il yanvarın 3-dək müzakirələrə fasilə veriləcək. Yanvarın 3-dən danışıqlar yenidən bərpa olunacaq", - bildirilib.
İranın xarici işlər naziri Hüseyn Əmir Abdullahian bildirib ki, qarşı tərəf ciddi iradəyə sahib olarsa, yaxın gələcəkdə Vyanadakı müzakirələrdə razılıq əldə oluna bilər.
O deyib ki, hazırda müzakirələr yaxşı yolda davam etdirilir.
"Biz müştərək və vahid bir mətn üzərində işləyirik", - nazir vurğulayıb.