Türkiyə tərəfi Rusiya hərbçiləri ilə Suriyada birgə patruldan imtina ediblər.
APA TASS-a istinadən xəbər verir ki, bu barədə bunu çərşənbə günü Suriyada Rusiya Mərkəzinin rəis müavini, general-mayor Oleq Yeqorov deyib.
“Son iki həftə ərzində Türkiyə tərəfi səbəb bildirmədən patrullarda iştirak etməyib”, - deyə Yeqorov bildirib.
Xatırladaq ki, birgə patrul 2019-cu ilin oktyabrın 22-də Ankara və Moskva arasında imzalanmış memorandum əsasında həyata keçirilir. Sənədə əsasən, Türkiyənin başladığı “Sülh çeşməsi” əməliyyatı xaricindəki zonaya yeridilən Rusiya hərbi polisi və Suriya sərhədçiləri 150 saat ərzində kürd separatçılarının və silahlarının sərhəddən 30 kilometr dərinliyə çəkilməsinə yardım etməli, bundan sonra ortaq patrul başlamalı idi.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
