“BionTech”-“Pfizer” peyvəndinin koronavirusun mutasiya olunmuş variantına qarşı effektivliyi öyrəniləcək

“BionTech”-“Pfizer” peyvəndinin koronavirusun mutasiya olunmuş variantına qarşı effektivliyi öyrəniləcək
  • Clock-gray 19:14
  • calendar-gray 21 Dekabr 2020

“BionTech” (Almaniya) və "Pfizer" (ABŞ) şirkətləri tərəfindən hazırlanmış peyvəndin koronavirusun mutasiya olunmuş variantına qarşı effektivliyini öyrənmək 3-4 həftə davam edəcək.

APA-nın TASS-a istinadən verdiyi xəbərə görə, bu barədə Robert Kox adına Alman Viroloji İnstitutunun peyvənd məsələləri üzrə daimi komitəsinin sədri Tomas Mertens bildirib.

“Mövcud məlumatlar hələlik "BionTech" peyvəndinin virusun mutasiya olunmuş variantına qarşı nə qədər effektiv olacağı barədə qəti şəkildə fikir bildirməyə imkan vermir. İlk antitellərin effektivliyinin öyrənilməsinə dair araşdırmanın 3-4 həftə davam etməsi gözlənilir", - deyə o vurğulayıb.

Lakin mütəxəssis qeyd edib ki, indiyə qədər aparılan testlər peyvəndin koronavirusun yeni variantına qarşı eyni dərəcədə təsirli ola biləcəyini göstərir.

Zümrüd Paşkin

Digər xəbərlər