Böyük Britaniyanın Baş naziri Boris Conson hazırkı ABŞ Prezidenti Donald Trampın Vaşinqtonda qiyamı alovlandırdığını düşünür və hesab edir ki, bu, “tamamilə doğru deyil”.
APA “RİA Novosti”yə istinadən xəbər verir ki, mətbuat konfransında sualları cavablandıran Conson Vaşinqtondakı şiddəti qınadığını və Tramp tərəfdarlarının hərəkətlərinin “utancverici” olduğunu bildirib.
“Onun (Trampın - Red.) insanları Kapitoliyə basqına təhrik etməsi və prezident kimi həmişə azad və ədalətli seçkilərin nəticəsi ilə bağlı şübhələrini dilə gətirməsi, düşünürəm ki, bunlar tamamilə yanlış idi”, - deyə Conson öz çıxışında vurğulayıb.
“Şadam ki, yeni seçilmiş prezident lazımi qaydada təsdiqləndi və demokratiya qalib gəldi”, - deyə Baş nazir əlavə edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
