ABŞ Rusiya ilə təhlükəsizlik sahəsində danışıqların uğursuz başa çatdığını düşünmür.
APA-nın xəbərinə görə, bunu “The Washington Post”a müsahibəsində ABŞ-ın BMT-dəki daimi nümayəndəsi Linda-Tomas Qrinfild bildirib.
“Hesab etmirəm ki, danışıqlar uğursuz olub. Biz Rusiya ilə işləməyə davam edirik. Gördüyünüz kimi, bu səhər Rusiyanın Xarici işlər naziri Sergey Lavrovla ABŞ-ın Dövlət katibi Entoni Blinken arasında danışıq olub. Biz Rusiya ilə danışırıq, eyni zamanda onun hərəkətlərini də izləyirik”, - deyə diplomat əlavə edib.
Diplomatın sözlərinə görə, ABŞ özünün NATO-dakı müttəfiqləri ilə Ukrayna ətrafında vəziyyətin eskalasiyası zamanı mümkün davranışları müzakirə edib: “Əgər Rusiya Ukraynaya hücum edərsə, bu BMT-nin Nizamnaməsinə qarşı hücum olacaq. Biz Təhlükəsizlik Şurasının xətti ilə hərəkət edəcəyik. Artıq bu barədə Nyu-Yorkda müttəfiqlərlə müzakirələr aparmışıq”, - deyə amerikalı diplomat vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
