Avropa İttifaqına (Aİ) üzv ölkələrin vətəndaşları blokun Rusiyaya qarşı sanksiyalarını dəstəkləyir.
APA xəbər verir ki, bu, 2022-ci ilin Avrobarometer sorğusunun nəticələrində öz əksini tapıb.
Sorğunun nəticəsinə görə, Aİ vətəndaşları Rusiyanın Ukraynaya qarşı apardığı müharibədə Aİ-nin addımlarını dəstəklədiklərini təsdiqləyiblər.
Avropalıların 78%-i Aİ-nin Rusiya hökumətinə, şirkətlərinə və fiziki şəxslərə qarşı tətbiq etdiyi iqtisadi sanksiyaları dəstəkləyir. Müsahiblərin təxminən on nəfərdən yeddisi (68%) Ukraynaya hərbi texnikanın tədarükü və çatdırılmasının maliyyələşdirilməsinin tərəfdarıdır. Respondentlərin əksəriyyəti həm Aİ-nin (57%), həm də onların milli hökumətlərinin (55%) cavabından razı olduğunu bildirib.
Respondentlərin 92%-i Ukraynaya humanitar yardımı dəstəklədiyin bildirib, 90% isə müharibədən qaçan ukraynalılarla bağlı Aİ-nin siyasətini təqdir edib.
Qeyd edək ki, “Yay 2022 – Standart Avrobarometr" 17 iyun - 17 iyul tarixləri arasında üzbəüz və onlayn müsahibələr vasitəsilə aparılıb. 27 üzv dövlətdən 26 468 Aİ vətəndaşı ilə müsahibə aparılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
