Rusiyanın müdafiə büdcəsi 2005-2018-ci illər ərzində yüksək səviyyəli hava, quru və dəniz imkanlarına sərmayə qoyuluşu ilə təxminən iki dəfə artıb və 2008-ci ildən etibarən geniş hərbi modernləşdirmə proqramının əsası qoyulub. Lakin fiziki avadanlığın modernləşdirilməsi Rusiyaya Ukraynada dominantlıq etmək imkanı verməyib.
APA-nın xəbərinə görə, bu barədə Böyük Britaniya Müdafiə Nazirliyinin (MN) kəşfiyyat xidmətinin məlumatında bildirilib.
Qeyd olunub ki, həm strateji planlaşdırma, həm də əməliyyat icraatındakı uğursuzluqlar Rusiyanın say üstünlüyünü həlledici üstünlüyə çevirə bilməməsi ilə nəticələnib.
Məlumatda əlavə olunub ki, Rusiya ordusu Ukraynaya hücumun nəticəsi olaraq indi həm maddi, həm də konseptual baxımdan nəzərəçarpan dərəcədə zəifləyib.
“Bundan xilas olmaq sanksiyalarla daha da ağırlaşacaq. Bu, Rusiyanın ənənəvi hərbi qüvvələr yerləşdirmək qabiliyyətinə qalıcı təsir göstərəcək”, - məlumatda vurğulanıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
