İstanbulun İstiqlal prospektindəki partlayışda yaralananların sayı 81-ə çatıb. Onlardan ikisinin vəziyyəti ağırdır.
APA-nın İstanbul müxbirinin xəbərinə görə, bunu Türkiyənin vitse-prezidenti Fuat Oktay bildirib. Oktayın sözlərinə görə, terror aktını 1 qadının törətdiyi ehtimal edilir.
***
19.23
İstanbulda partlayışda ölənlərin sayı 6 nəfərdir. 4 nəfər hadisə yerində həyatını itirib.
APA xəbər verir ki, bu barədə Türkiyə Prezident Rəcəb Tayyib Ərdoğan bildirib.
O qeyd edib ki, yaralı sayı 53-dür.
Türkiyə lideri diqqətə çatdırıb ki, bu rəqəmləri İstanbul valisindən əldə edib.
Qeyd edək ki, 2 nəfər xəstəxanada həyatını itirib.
***
18:55
İstanbulda baş verən partlayışda ilkin məlumatlara əsasən 4 nəfər ölüb.
APA xəbər verir ki, bu barədə İstanbul valisi Əli Yerlikaya məlumat verib.
O qeyd edib ki, İstiklal küçəsində baş verən partlayışda ilkin olaraq 4 nəfər ölüb, 38 nəfər xəsarət alıb: "Hazırda hadisə yerində araşdırmalar aparılır".