İndoneziyanın şimalındakı Riau adalarında torpaq sürüşməsi nəticəsində ölənlərin sayı 44 nəfərə çatıb.
APA-nın xəbərinə görə, bu barədə Sinxua agentliyi məlumat verib.
Daha əvvəl 33 nəfərin həlak olduğu bildirilirdi.
Yerli hakimiyyət orqanlarının məlumatına görə, 11 nəfər itkin düşüb. 2 mindən çox sakin təxliyə edilib.
Xatırladaq ki, martın 6-da İndoneziyanın şimalındakı Riau adalarında güclü leysan yağışları səbəbindən silsilə torpaq sürüşməsi baş verib. Hazırda axtarış-xilasetmə işləri davam etdirilir.