Kreml: KTMT-nin öhdəlikləri Dağlıq Qarabağa aid deyil

Kreml: KTMT-nin öhdəlikləri Dağlıq Qarabağa aid deyil
  • Clock-gray 14:33
  • calendar-gray 07 Oktyabr 2020

“Kollektiv Təhlükəsizlik Müqaviləsi Təşkilatının (KTMT) öhdəlikləri Ermənistandan fərqli olaraq, Dağlıq Qarabağ aid deyil”.

APA-nın Moskva müxbirinin verdiyi məlumata görə, bunu Kremlin mətbuat katibi Dmitri Peskov bildirib.

"Bunlar təhlükəsizliyin təmin edilməsi baxımından olan öhdəliklərdir. Yəni, KTMT üzvü olan bir ölkə kənardan hansısa bir təcavüzə, hücuma məruz qalırsa, müqaviləyə üzv dövlətlərin həmin dövləti müdafiə etmək öhdəlikləri var", - deyə Kremlin sözçüsü vurğulayıb.

Rusiya Prezidentinin mətbuat katibi ölkəsinin hansı halda Dağlıq Qarabağdakı münaqişə bölgəsinə hərbçiləri göndərməyə hazır olduğu barədə danışarkən, bunun öhdəliklərdən irəli gəldiyini söyləyib.

Qeyd edək ki, Rusiya Prezidenti Vladimir Putin “Rossiya1” kanalına müsahibəsində ölkəsinin KTMT çərçivəsində öhdəliklərindən danışıb, hərbi əməliyyatların Ermənistan ərazisində getmədiyini bildirib.

Fərid Əkbərov

Digər xəbərlər