Azərbaycan səfirliyinin əməkdaşları Moskvada saxlanılan Fuad Abbasovla görüşüb
-
11:07
-
22 May 2019
Jurnalist Fuad Abbasovun Rusiya Daxili İşlər Nazirliyinin Ximki şəhəri üzrə polis idarəsinin əməkdaşları tərəfindən saxlanılması Azərbaycanın Rusiyadakı səfirliyinin nəzarətindədir.
Bu barədə APA-nın Moskva bürosuna səfirlikdən məlumat verilib.
Bildirilir ki, səfir Polad Bülbüloğlunun göstərişinə əsasən, mayın 20-də səfirliyin konsulluq şöbəsinin əməkdaşları onunla Moskva vilayətinin Korolyov şəhəri üzrə əcnəbilərin müvəqqəti saxlanma mərkəzində görüşüb: “Böyük ictimai narahatlığa səbəb olan bu hadisə ilə bağlı səfirlik tərəfindən bütün lazımi tədbirlər görülür”.
Qeyd edək ki, mayın 16-da Rusiyada jurnalist və blogger kimi fəaliyyət göstərən Fuad Abbasov hüquq-mühafizə orqanları tərəfindən saxlanılıb. Onun qollarına qandal vurularaq öncə polis bölməsinə, sonra isə Moskva vilayətinin Korolyov şəhərində yerləşən miqrantlar üçün xüsusi saxlanma məntəqəsinə aparılıb. Mayın 17-də Moskva Şəhər Məhkəməsi Fuad Abbasovun Rusiyaya girişinə qadağa qoyulması ilə bağlı Rusiya Federal Təhlükəsizlik Xidmətinin qərarını qüvvədə saxlayıb.
Mayın 20-də vəkil Elman Paşayev onunla görüşüb. Vəkil Fuad Abbasovun Rusiyadan deportasiya olunması ilə bağlı qərarın mayın 26-da qüvvəyə minəcəyini, mayın 28-də isə onun Azərbaycana deportasiya edilə biləcəyini söyləyib.
Digər xəbərlər
VİDEO XƏBƏRLƏR
Bakı Şəhər Baş Polis İdarəsi paytaxtda maarifləndirmə xarakterli tədbirləri davam etdirib - FOTO - VİDEO
Atletlərimiz Bakı-2019 Avropa Gənclər Yay Olimpiya Festivalına hazırdır - VİDEO
Bakıda minik avtomobili yük maşınına çırpılıb, ölən və yaralanan var - FOTO - VİDEO
Bakı Avropa Gənclər Yay Olimpiya Festivalına hazırlaşır - VİDEO
FOTO XƏBƏRLƏR
Azərbaycan yığmasının 7 cüdoçusu “Top-20”də yer alıb
“Siyasi repressiya qurbanları muzeyi”nin açılışı olub - FOTOSESSİYA
Ağstafada iki ədəd 122 mm-lik raket aşkar olunub
Azərbaycanda “Əşyaların interneti” laboratoriyası yaradılıb
