Mariya Stadnik dördüncü dəfə Yay Olimpiya Oyunlarına lisenziya qazanıb

Mariya Stadnik dördüncü dəfə Yay Olimpiya Oyunlarına lisenziya qazanıb
  • Clock-gray 11:56
  • calendar-gray 17 Sentyabr 2019

Azərbaycan yığması 2020-ci ildə Yaponiyanın paytaxtı Tokioda keçiriləcək Olimpiya Oyunlarına daha bir lisenziya qazanıb.

APA-nın məlumatına görə, qadın güləşçi Mariya Stadnik dördilliyin ən mötəbər turnirində çıxış hüququ əldə edib.

O, buna Qazaxıstanın paytaxtı Nur-Sultanda keçirilən dünya çempionatında nail olub. 50 kq çəki dərəcəsində yarımfinala vəsiqə qazanan M.Stadnik bununla da ilk “aıtılıq”da yerini təmin edib. Bu isə güləşçiyə Tokio-2020-yə vəsiqə verib.

Bu, onun karyerasında 4-cü Olimpiada olacaq. Pekin-2008-də bürünc mükafat qazanan güləşçi London-2012 və Rio-2016-da gümüş medala yiyələnib.

Dünya və yeddiqat Avropa çempionu 2020-ci ilin Olimpiya Oyunlarına vəsiqə qazanan ilk Azərbaycan güləşçisi olub. O, ölkəmizin ümumilikdə 3-cü lisenziyasının sahibidir. M.Stadnikə qədər iki idmançı bu hüquqa yiyələnib. Bunlar atletikanın çəkicatma növündə Anna Skidan və üzgüçü Maksim Şemberevdir.

Qeyd edək ki, XXXII Yay Olimpiya Oyunları 2020-ci ilin iyulun 24-dən avqustun 9-dək keçiriləcək.

apa-logo-mini

Digər xəbərlər

Arxiv

date