İyunun 11-də Monteneqroda növbədənkənar parlament seçkiləri keçiriləcək.
APA TASS-a istinadən xəbər verir ki, bu barədə cümə günü mətbuat konfransında respublika prezidenti Milo Cukanoviç bildirib.
"Mən seçkiləri iyunun 11-nə təyin etmək qərarına gəldim", - Cukanoviç vurğulayıb.
Martın 16-da o, Monteneqroda prezident seçkilərinə üç gün qalmış parlamenti buraxıb. Respublikanın konstitusiyasına görə, yeni seçkilər parlament buraxıldığı andan etibarən 60 gündən tez, 100 gündən gec olmayaraq keçirilməlidir.