“Neftçi” və “Səbail”in Avropa Liqasındakı şansları açıqlanıb

“Neftçi” və “Səbail”in Avropa Liqasındakı şansları açıqlanıb
  • Clock-gray 15:18
  • calendar-gray 18 İyul 2019

Avropa Liqasının I təsnifat mərhələsinin cavab oyunları üçün əmsallar açıqlanıb. 

APA-nın məlumatına görə, bukmeker kontorları bu gün meydana çıxacaq Azərbaycan klublarının şanslarını fərqli qiymətləndiriblər. 

İlk qarşılaşmada Moldova “Speranta”sına 3:0 hesabı ilə qalib gələn “Neftçi” yenə favorit hesab olunur. Bakı klubunun qələbəsi 1,10, məğlubiyyəti 21,00 əmsaldır. Qarşılaşmada heç-heçəyə 7,00 əmsal verilib. 

“Neftçi”dən fərqli, “Səbail”in qələbə qazanacağı proqnozlaşdırılmır. Bu səbəbdən də evdə “Universitatya Krayova”ya (Rumıniya) 2:3 hesabı ilə uduzan təmsilçimizin qalib gəlməsi 13,00 əmsalla qiymətləndirilib. Görüşdə rumınların qələbəsinə 1,22 verilibsə, heç-heçə 6,35 əmsaldır. 

Qeyd edək ki, “Universitatya Krayova” – “Səbail” saat 20:00-da, “Neftçi” - “Speranta” bir saat sonra start götürəcək. 

apa-logo-mini

Digər xəbərlər

Arxiv

date