Azərbaycan çempionatının I divizionunda iki oyun təxirə salınıb.
Apasport.az Peşəkar Futbol Liqasının saytına istinadən məlumatına görə, XIII turunun qarşılaşmalarının təxirə salınmasına güclü qar səbəb olub.
Fevralın 17-də start götürən, lakin yarımçıq dayandırılmış “Turan Tovuz” – “Sumqayıt-2” görüşü görülən bütün tədbirlərə baxmayaraq, davam etdirilməyəcək. Buna səbəb yağıntının davam etməsidir.
Həmçinin bu gün keçirilməli olan “Kəpəz” – “Qaradağ Lökbatan” qarşılaşması da analoji hava şəraiti ilə əlaqədar təxirə salınıb. Görüşlərin vaxtı barədə Peşəkar Futbol Liqası qərar verəcək.
Qeyd edək ki, "Turan Tovuz" - "Sumqayıt-2" oyunu dayandırıldığı vaxtdan (51:19) keçiriləcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
