“Rəqibin hansısa futbolçusunu fərqləndirmək istəməzdim. “Makkabi”nin yaxşı oyun fəlsəfəsi var”.
Apasport.az saytının məlumatına görə, bunu “Qarabağ”ın baş məşqçisi Qurban Qurbanov Avropa Liqasının qrup mərhələsində Təl-Əviv “Makkabi”si ilə keçiriləcək oyun barədə danışarkən deyib.
Sabah İsraildə baş tutacaq qarşılaşma öncəsi mətbuat konfransında fikirlərini bölüşən Qurbanov rəqibin son oyunlarını izlədiyini söyləyib: “Makkabi”nin həm "Dinamo" (Brest, Belarus), həm də "Zalsburq"la (Avstriya) matçlarını izləmişəm. Özünəməxsus oyun taktikası olan komandadır”.
Təcrübəli mütəxəssis Dağlıq Qarabağda gedən döyüşlərə görə hazırda bütün fikirlərinin Azərbaycan Ordusunun yanında olduğunu gizlətməyib: “Təbii ki, hazırda ölkəmizdə müharibə getdiyinə görə, fikrimizin əsgərlərimizin yanında olması normaldır. Ordumuz torpaqlarımızın işğaldan azad olunması üçün mübarizə aparır. Hər gün cəbhədən xoş xəbərlər gəlir”.
Qurbanov səfərdən uğurlu nəticə ilə dönməyə çalışacaqlarını əlavə edib: “Futbolçularımı sabahkı matça motivasiya etməyə çalışacam. Sərfəli nəticə qazanmaq üçün əlimizdən gələni edəcəyik”.
Qeyd edək ki, Təl-Əvivdə baş tutacaq görüş Bakı vaxtı ilə saat 23:00-da start götürəcək.
Qurban Qurbanov: “Futbolçularımı sabahkı matça motivasiya etməyə çalışacam”
21 oktyabr 2020 22:18 (UTC +04:00)
Futbol
Əliyar Ağayev Yunanıstanda Fatih Terimin baş məşqçisi olduğu komandanın oyununu idarə edəcək
17:04
25 aprel 2024
“Fənərbaxça”-“Beşiktaş” derbisinin baş hakimi məlum olub
15:53
25 aprel 2024
"Qarabağ" ölkə kubokunun finalında
21:53
24 aprel 2024
Fransa klubu Zubiri transfer etmək istəyir
16:30
24 aprel 2024