2019/2020 mövsümü üçün hazırlıqlarını Türkiyənin Ankara şəhərinin Kızılcahamam bölgəsində davam etdirən “Sumqayıt” futbol klubu ilk yoxlama oyununu keçirib.
APA-nın məlumatına görə, Ayxan Abbasovun yetirmələri Kızılcahamam stadionunda Rumıniyanın “Petrolul Ploieşti” komandası ilə qarşılaşıblar.
Oyun 2:2 hesablı heç-heçə ilə yekunlaşıb. Sumqayıtlıların heyətində Şəhriyar Əliyevlə Rüfət Abdullazadə fərqlənib.
Görüşdən sonra “Sumqayıt”ın baş məşqçisi Ayxan Abbasov rumıniyalılarla oyun barədə fikirlərini klubun saytına açıqlayıb: “Türkiyə toplanışında birinci oyunumuzu keçirdik. Çalışdıq ki, hər kəsə şans verək. Komandanın meydandakı mübarizəsi və hərəkətliliyi bizi qane etdi. Buna baxmayaraq, səhvlərimiz də var idi. Get-gedə artıraraq, gələn oyunlarda səhvləri aradan qaldırmağa çalışacağıq”.
Qeyd edək ki, “Sumqayıt” növbəti yoxlama oyununu iyulun 24-də Türkmənistan təmsilçisi “Ahal”a qarşı keçirəcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
